Ulaanbaatar
Боксчин Т. Энхтөр 2 дахь тоглолтдоо ялагдав
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Сонирхогчдын боксын ДАШТ энэ сарын 1-14-нд Узбекистаны Ташкент хотод зохиогдож, 107 орны 538 тамирчин өрсөлдөж байгаа юм.
Тэмцээний
эхний өдөр буюу тавдугаар сарын 1-нд 60 кг-ын жинд “Кёльн-2022” дэлхийн цом,
"Улаанбаатар-2019" залуучуудын Азийн АШТ-ий хүрэл медальт ОУХМ
Т.Энхтөр эхний учраа болох Палестины Анас Слейман Рихабтай рингэнд өрж, 5:0
гэсэн онооны илт давуугаар ялсан.
Тэрбээр
өнөөдөр шилдэг 32-т үлдэх тоглолтод өөрийн жингийн чансааны тэргүүн боксчин,
2021 Белградын ДАШТ-ий хүрэл медальт Доминиканы де Ла Крузтай нударга зөрүүлж, .0:5
гэсэн шүүгчдийн саналаар ялагдлаа.
Ла
Круз зүүн талтай, задгай өрөлттэй тамирчин байв. Эхний үе Т.Энхтөр дайрч, хашир
туршлагатай Де Ла Круз хамгаалан, сөрөг довтолсоор 10:9 өрсөлдөгч тал
тэргүүлжээ. Хоёрдугаар үед ч Доминиканы боксчин баруун хатгаж, зүүн хойноос
цохиод зайгаа барьж тоглосоор Де Ла Круз 20:18-ээр тэргүүлэв.
Шийдвэрлэх
гуравдугаар үед ч байдал сайжирсангүй, тоглолт үргэлжилсээр манай боксчин
хожигдлоо.
