Ulaanbaatar
М.Сугар хоёр дахь хүрэл медалийг авчирлаа
МОНГОЛЫН МЭДЭЭ | СПОРТ
Улаанбаатар /МОНЦАМЭ/. “Улаанбаатар-2023” Жюү жицүгийн Дэлхийн аварга шалгаруулах тэмцээнд манай тамирчин М.Сугар не-ваза төрөлд Монголын багийн хоёр дахь хүрэл медалийг авчирлаа.
Тэрбээр +70 кг-ын жинд ОХУ-ын Дарья Николаева, Колумбийн Лаура Кастильо нарыг ялж хагас шигшээд өнгөрсөн жилийн дэлхийн аварга Канадын тамирчин Райн Пфаффад ялагдсан ч, хүрэл медалийн төлөө Казахстаны Ассел Кабдыгалымоваг 8:2-оор ялснаар өнөөдөр Монголын багийн хоёр дахь хүрэл медалийг авчирав.
Мөсөн өргөөний дэвжээнээс зүүсэн энэ хүрэл медаль нь Монголын жюү жицүгийн анхны дэлхийн болон Азийн аварга М.Сугарын ДАШТ-ий гурав дахь медаль болж байгаа юм.
Тэрбээр энэ
удаагийн ДАШТ-д нялх үрийнхээ хамт “барилдсан” тамирчин болсон онцлогтой.
