Ulaanbaatar
Айл өрхүүдэд хүнсний тусламж үзүүллээ
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий /МОНЦАМЭ/. Тавдугаар сарын 26-наас эхэлсэн ислам шашинтнуудын «Ариун Рамадан сар»-ыг тохиолдуулан Кувейт улсын «Олон улсын исламын энэрлийн сан»-гаас тус аймгийн 273 өрхөд тус бүр 80,000 төгрөгийн үнэ бүхий хүнсний тусламж үзүүллээ гэж Монголын Ислам Шашинтны Мүфтият Холбооноос мэдээллээ.
Энэ нь Монгол дахь Кувейт улсын Элчин Сайдын Яамны дэмжлэгээр зохион байгуулагдаж буй 2 дахь хүнсний тусламжийн арга хэмжээ ба 5 дугаар сарын эхэнд мөн 437 өрхөд гурил, будаа, хүнсний бусад бүтээгдэхүүн олгосон юм.
Рамадан нь ислам он тооллын 9 дэх сар бөгөөд хvн төрөлхтний гар дээр Коран судрыг анхлан тавьсан үед тооцогддог. Ислам шашинтнууд нь Рамадан сарын туршид өглөө эртлэн босож, «саре» хэмээх өглөөний зоогоо идээд, тухайн өдрийн наран жаргатал ганц балга ус ч уулгvй мацаг барьдаг заншилтай. Энэхүү заншлыг нь «Ораза» гэж нэрлэдэг. Энэ өдрүүдэд залбирал, уншлагаар оюунаа ундаалах нь махан биеэ тэжээж, юм идэхээс илүү үр ашигтайд тооцогддог байна.
Мөн хүн бүр дор бүрнээ сайн үйлс хийж, буяны замыг мөрдлөг болгох нь энэ сарын хамгийн гол заншил юм.
Энэ нь Монгол дахь Кувейт улсын Элчин Сайдын Яамны дэмжлэгээр зохион байгуулагдаж буй 2 дахь хүнсний тусламжийн арга хэмжээ ба 5 дугаар сарын эхэнд мөн 437 өрхөд гурил, будаа, хүнсний бусад бүтээгдэхүүн олгосон юм.
Рамадан нь ислам он тооллын 9 дэх сар бөгөөд хvн төрөлхтний гар дээр Коран судрыг анхлан тавьсан үед тооцогддог. Ислам шашинтнууд нь Рамадан сарын туршид өглөө эртлэн босож, «саре» хэмээх өглөөний зоогоо идээд, тухайн өдрийн наран жаргатал ганц балга ус ч уулгvй мацаг барьдаг заншилтай. Энэхүү заншлыг нь «Ораза» гэж нэрлэдэг. Энэ өдрүүдэд залбирал, уншлагаар оюунаа ундаалах нь махан биеэ тэжээж, юм идэхээс илүү үр ашигтайд тооцогддог байна.
Мөн хүн бүр дор бүрнээ сайн үйлс хийж, буяны замыг мөрдлөг болгох нь энэ сарын хамгийн гол заншил юм.
Ө.Нурболат
