Ulaanbaatar
А.Цогцэцэг: “Нярай бүрийг скрининг шинжилгээнд хамруулна” гэв
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. Монголын Нярайн тандалт шинжилгээний нийгэмлэг, ЭМЯ-тай хамтран Олон улсын нярайн скрининг шинжилгээний нийгэмлэгийн Ази, Номхон далайн бүсийн 10 дугаар чуулганыг энэ сарын 24-26-нд зохион байгуулж байна.
Эл хурлыг Монгол болон Ази, Номхон далайн орнуудад нярайн скрининг шинжилгээг өргөжүүлэн хөгжүүлэх нь сэдвийн дор зохион явуулж байгаа юм.
Тус хурлыг нээж Эрүүл мэндийн сайд А.Цогцэцэг: “Эрүүл мэндийн яам нялхсын эндэгдлийг бууруулах, хүүхэд насны хүн амын амьдралын чанарыг сайжруулах, хөгжлийн бэрхшээлээс урьдчилан сэргийлэх бодлогын хүрээнд уг хөтөлбөрийг анхнаас нь дэмжиж ирсэн. Цаашдаа ч үйл ажиллагааг тогтвортой явуулах талаар Монгол Улсын Засгийн газрын 2016-2020 оны мөрийн хөтөлбөрт оруулж, шат дараалсан арга хэмжээг авч ажиллахаар төлөвлөсөн. Үндэсний хэмжээнд төрсөн нярай бүрийг скрининг шинжилгээнд тогтвортой хамруулах тогтолцоог бүрдүүлэх ажлыг хэрэгжүүлж ажиллана” гэв.
Эл хурлыг Монгол болон Ази, Номхон далайн орнуудад нярайн скрининг шинжилгээг өргөжүүлэн хөгжүүлэх нь сэдвийн дор зохион явуулж байгаа юм.
Тус хурлыг нээж Эрүүл мэндийн сайд А.Цогцэцэг: “Эрүүл мэндийн яам нялхсын эндэгдлийг бууруулах, хүүхэд насны хүн амын амьдралын чанарыг сайжруулах, хөгжлийн бэрхшээлээс урьдчилан сэргийлэх бодлогын хүрээнд уг хөтөлбөрийг анхнаас нь дэмжиж ирсэн. Цаашдаа ч үйл ажиллагааг тогтвортой явуулах талаар Монгол Улсын Засгийн газрын 2016-2020 оны мөрийн хөтөлбөрт оруулж, шат дараалсан арга хэмжээг авч ажиллахаар төлөвлөсөн. Үндэсний хэмжээнд төрсөн нярай бүрийг скрининг шинжилгээнд тогтвортой хамруулах тогтолцоог бүрдүүлэх ажлыг хэрэгжүүлж ажиллана” гэв.
Д.Өлзий
