Ulaanbaatar
Нийслэлийн зам талбайд 183 тонн бодис, 165.6 тонн давс цацжээ
МОНГОЛЫН МЭДЭЭ | НИЙГЭМ
Улаанбаатар хотын Шуурхай удирдлага зохицуулалтын төвөөс цас орсонтой холбогдуулан нийслэлийн 6 дүүргийн 214 ажилтан 18 машинаар 92.4 тонн бодис, 131.6 тонн давсыг нийтийн эзэмшлийн зам талбайд цацлаа хэмээн мэдээллээ.
Харин “Нийтийн үйлчилгээний Улаанбаатар нэгтгэл” ОНӨААТҮГ-ын 207 ажилтан 22 машинаар 90.9 тонн бодис, 34 тонн давс, 396 метр куб элсийг Телевизийн эцсээс Баянхошуу, Жанцан, Хилчин 2 хотхон, Баруун дөрвөн замаас таван шар, Нисэх, Морингийн даваа, Сансар, Богд уулын арын зам, Нарны гүүр, Яармаг, Энхтайваны гүүр, Офицеруудын ордон, Долоон буудал, Хайлааст, Чингэлтэй зэрэг чиглэлд цацжээ.
Б.Заяа
