Ачаалж байна…
Ачаалж байна…
Montsame News Agency

Улаанбаатар, 2026 оны арваннэгдүгээр сарын 13 /МОНЦАМЭ/. Монгол Улс, Бүгд Найрамдах Солонгос Улсын Гадаад харилцааны яам хоорондын хамтын ажиллагааны хүрээнд 2022 оноос хэрэгжүүлж буй Залуу манлайлагчдын солилцооны хөтөлбөрийн 4 дэх удаагийн уулзалт энэ сарын 11-нд Улаанбаатар хотноо болов.
Энэ удаагийн уулзалтад БНСУ-ын Гадаад хэргийн яамны Зүүн хойд Ази, Төв Азийн газрын дэд захирал На Юун Үг тэргүүтэй дипломатууд, Санхүү, эдийн засгийн яам, Хууль зүйн яам, Аж үйлдвэр, худалдаа, эрдэс баялгийн яам болон монгол судлаачдын төлөөлөл оролцон, Монгол Улсын Гадаад харилцааны яамны дипломатуудтай нөхөрсөг уулзалт хийв.
Гадаад харилцааны яамны Төрийн нарийн бичгийн дарга Л.Мөнхтүшиг уулзалтын үеэр хэлсэн үгэндээ Монгол Улс “гуравдагч хөрш”-ийн бодлогын хүрээнд БНСУ-тай “Стратегийн түншлэл”-ээ улам гүнзгийрүүлэн хөгжүүлэхийн төлөө байдгийг онцлоод, хоёр улсын түүх, соёлын хэлхээ холбоо, иргэд хоорондын найрсаг дотно харилцаанд тулгуурлан нийгэм, эдийн засгийн бүхий л салбарын хамтын ажиллагаа идэвхтэй хөгжиж байгааг тэмдэглэв.
Залуу манлайлагчдын солилцооны хөтөлбөрөөр дамжуулан БНСУ-ын төлөөлөгчид хоёр улсын хамтын ажиллагааны төсөл хөтөлбөртэй танилцахын зэрэгцээ Монгол орны соёл ахуйтай танилцах юм.