Ulaanbaatar
Нийслэлийн VIII наадмын cпорт явган аяллын тэмцээн болов
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Нийслэлийн иргэдийн спортын VIII наадмын Спорт явган аяллын тэмцээн өнгөрсөн баасан гарагт боллоо.
Тэмцээнээр “Улаанбаатар - Үндэсний цэцэрлэг хүрээлэн - Богд Хаан уулын зам - Туулын гүүр - Баянзүрхийн товчоо - Баянзүрх хайрхан - Хар усан тохой - Улаанбаатар” чиглэлээр аялахдаа машинаар 40 км, уулын аяллын А, Б ангиллын 10 км замыг туулжээ.
Спортын 8 төрлөөр 5 үе шаттай болдог энэхүү наадам нь Нийслэл хот үүсэн байгуулагдсаны 380 жилийн хүрээнд
Нийслэлийн Засаг дарга бөгөөд Улаанбаатар хотын Захирагчийн ивээл дор зохион
байгуулагдсанаараа онцлогтой.
Нийслэлийн 9 дүүргээс шалгарсан 117 баг тамирчин /баг тус бүр 6 эрэгтэй, 6 эмэгтэй, 1 дасгалжуулагчийн бүрэлдэхүүнтэй/ спорт явган аяллын тэмцээнд оролцохын зэрэгцээ “Газрын зураг дээр зай чиглэл тодорхойлох”, “Байгальд нуувч илрүүлэх”, “Холимог буухиа” /техник тактик, хөгжилтэй буухиа хосолсон/ гэсэн 3 төрлөөр хурд хүч, авхаалж самбаа, тэсвэр хатуужлаа сорин амжилттай өрсөлджээ.
1-р байрт Ц.Рэнчинхорлоо
дасгалжуулагчтай, Д.Авирмэд ахлагчтай Баянзүрх дүүргийн 5-р хороо
2-р байрт Т.Дэмбэрэл
дасгалжуулагчтай Б.Энхбаяр ахлагчтай Сонгинохайрхан дүүргийн 3-р хороо
3-р байрт Ш.Мөнх-Эрдэнэ
дасгалжуулагчтай, С.Энхбаатар ахлагчтай Чингэлтэй дүүргийн 16-р хороо
4-р байрт О.Батсаруул
дасгалжуулагчтай, Г.Батбаяр ахлагчтай Налайх дүүргийн 5-р хороо
5-р байрт А.Хоролсүрэн
дасгалжуулагчтай, Ц.Цогт-Од ахлагчтай Сүхбаатар дүүргийн 18-р хороо
6-р байрт Ж.Оюунтуяа
дасгалжуулагчтай, Б.Энхбаатар ахлагчтай Хан-Уул дүүргийн 7-р хороо
7-р байрт Д.Чагнаадорж
дасгалжуулагчтай, Д.Алтангэрэл ахлагчтай Баянгол дүүргийн 22-р хороо
8-р байрт Г.Тэмүүлэн
дасгалжуулагчтай, Г.Хүдэрчулуун ахлагчтай Багахангай дүүргийн 1-р хороо
9-р байранд С.Сарантуяа
дасгалжуулагчтай, Г.Батжаргал ахлагчтай Багануур дүүргийн 3-р хороо тус тус
шалгарлаа гэж Нийслэлийн Спортын хорооноос мэдээллээ.
