Ulaanbaatar
Хятадад коронавирусний халдварын 202 шинэ тохиолдол бүртгэгджээ
ДЭЛХИЙН МЭДЭЭ | НИЙГЭМ
БЭЭЖИН. /Xinhua/. Эх газрын Хятадад өнгөрсөн ням гарагт шинэ коронавирусний
халдварын 202 шинэ тохиолдол бүртгэгдэж, уг халдварын улмаас 42 хүн нас барсан
талаар тус улсын Эрүүл мэндийн газрын удирдлагууд даваа гарагт мэдээлжээ.
Үндэсний эрүүл
мэндийн комиссын мэдээлснээр, ням гаргийн оройны байдлаар коронавирусний
халдвар авсан хүний тоо 80026 хүрч, 2837 хүн нас барж, 44462 хүн эдгэрэн
эмнэлгээс гарчээ.
Ням гарагт нас
барсан хүмүүс бүгд Хубэй мужид бүртгэгдсэний зэрэгцээ шинээр илэрсэн 202
тохиолдлын 196 нь уг мужид бүртгэгдсэн байна.
Мөн тухайн өдөрт
халдвар авсан байх магадлалтай 141 тохиолдол бүртгэгдсэн бол 2837 хүн эмнэлгээс
гарч, биеийн байдал хүнд хүний тоо 255-аар буурч 7110 болжээ. Үүнээс
гадна халдвар авсан хүмүүстэй ойр байсан 46279 хүн эмнэлгийн хяналтад байгаа бөгөөд ням гарагт хяналтад байсан 8154 хүн гэртээ харьжээ.
Ням гаргийн байдлаар Хонконгт
коронавирусний халдварын 98 тохиолдол, Макаод 10 тохиолдол, Тайваньд 40
тохиолдол бүртгэгдэж, Хонконгт 2, Тайваньд 1 хүн нас баржээ. Мөн Хонконгт 33,
Макаод 8, Тайваньд 9 хүн эдгэрсэн байна.
