Ulaanbaatar
Барилгын салбарынхан УОК-т нэг өдрийн цалингаа хандивлав
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Барилгын салбарын ажилтнууд нэг өдрийн цалин 22.4 сая төгрөгийг УОК-т хандивлав.
Хандивыг Монгол Улсын Шадар сайд, Улсын Онцгой Комиссын дарга Ө.Энхтүвшинд БХБЯ-ны төрийн нарийн бичгийн дарга С.Магнайсүрэн гардууллаа. Хандивт:
- БХБЯ
- Газар зохион байгуулалт, геодези, зураг зүйн газар,
- Барилгын хөгжлийн төв ТӨААТҮГ,
- Төрийн орон сууцны корпорац (ТОСК) ТӨХХК,
- Хот суурины усан хангамж, ариутгах татуургын ашиглалт, үйлчилгээг зохицуулах зөвлөл,
- Зүүн өмнөд говийн хот байгуулалт, хилийн ойролцоо суурин газруудын хөгжлийн төсөл L3388-MON төсөл,
- Дархан хотын бохир усны менежментийн МОН-3244/3245 төсөл
- "Ногоон нуур" 1008 айлын орон сууц төсөл,
- Төв цэвэрлэх байгууламжийг шинээр барих төсөл,
- Монголын Барилгын үндэсний ассоциаци,
- Монголын барилгын материал үйлдвэрлэгчдийн холбоо,
- Монголын барилгачдын нэгдсэн холбоо,
- Монголын архитекторуудын эвлэл зэрэг 13 байгууллагын ажилтнууд оролцжээ.
"Сovid-19" халдвараас урьдчилан сэргийлж байгаа мэргэжлийн албан хаагчдын ажиллах нөхцөлийг сайжруулах, тэдэнд урам зориг өгөх зорилгоор энэ хандивыг барилгын салбарынхан өрнүүллээ гэдгийг БХБ-ын сайд Х.Баделхан онцлов.
Тодруулга: Өнөөдөр барилгын салбарт 80 гаруй мянган хүн ажиллаж, 8 мянга орчим ААН үйл ажиллагаа явуулж байна.
