Ulaanbaatar
E-Mongolia системд мод бүртгүүлэх үйлчилгээг шинээр нэмэв
МОНГОЛЫН МЭДЭЭ | БАЙГАЛЬ ОРЧИН
Улаанбаатар, 2025 оны зургаадугаар сарын 3 /МОНЦАМЭ/. E-Mongolia системд мод бүртгүүлэх үйлчилгээг шинээр нэмлээ.
Иргэд аппликэйшн
рүү нэвтрэн, “мод бүртгүүлэх” цэс рүү орж өмнө болон шинээр тарьсан модоо бүртгүүлнэ.
Ингэхдээ ямар төрлийн модыг
хаана, хэзээ тарьсан болон модныхоо зургийг оруулах боломжтой.
Монгол Улсын Ерөнхийлөгч НҮБ-ын индрээс “Монгол Улс 2030 он гэхэд нэг тэрбум мод тарьж ургуулна” хэмээн зарласнаас хойш сүүлийн гурван жилд мод тарих бэлтгэлээ ханган, энэ оноос их хэмжээний талбайд мод олноор тарьж байна. Ирэх хоёр жилд 570 сая, 2028-2030 онд 850 сая мод тарьж ургуулахаар төлөвлөсөн байгаа.
Өнгөрсөн оны байдлаар шууд болон дүйцүүлэх хэлбэрээр 84 сая мод тарьснаар мод, тарьц, суулгац, үрийн нөөц, мод үржүүлгийн газрын тоо, хэмжээ өмнөх онуудынхаас 5-6 дахин нэмэгджээ.
Тодруулбал, улсын хэмжээнд 39 зүйлийн мод сөөгийн 12.1 тонн үрийн нөөц бүрдүүлснээр 292 сая ширхэг тарьц суулгац ургуулах боломжтой болж. Цаашид тарьц суулгацынхаа нөөцийг 100 саяд хүргэхийг зорьж байгаа билээ.
