Ulaanbaatar
Олон улсын стандарт бүхий хөлбөмбөгийн талбайн тохижилт 70 хувьтай байна
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Баянзүрх дүүргийн дөрөвдүгээр хорооны нутаг дэвсгэр буюу Хил хамгаалах ерөнхий газрын баруун урд хөлбөмбөгийн талбайг стандартын дагуу тохижуулж байна.
Нийт 1.8 га газарт цэцэрлэгт хүрээлэн, гүйлтийн зам, хөлбөмбөг, сагсан бөмбөг, волейболын талбай, гэрэлтүүлэг, автомашины зогсоол, угаалгын өрөө бүхий иж бүрэн спортын талбайг шинэчлэн тохижуулж байгаа юм.
Нийслэлийн Засаг дарга С.Амарсайхан
4 дүгээр сарын 05-ны өдөр ажлын явцыг шалгасан бөгөөд Улаанбаатар хотын Ерөнхий
менежер Т.Гантөмөр долоо хоног бүрийн бямба гарагт ажлын явцыг газар дээр нь
шалгаж цаг үеийн үүрэг чиглэлийг өгч ажиллаж байна. Тохижилтын ажил өнөөдрийн
байдлаар 70 орчим хувьтай, 5 дугаар сарын 15-нд ашиглалтад оруулахаар шамдан
ажиллаж байгаа аж.
