Ulaanbaatar
Хөлбөмбөгийн тэмцээнүүдийн тов өөрчлөгджээ
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Орон нутгийн сонгуультай холбоотойгоор Монголын хөл бөмбөгийн холбоо /МХБХ/-ноос 2020 оны 10 дугаар сарын 14-16-ны хооронд болох байсан тэмцээнүүдийн хуваарьт өөрчлөлт оруулж байгаагаа зарлав.
Нийслэлийн Засаг дарга бөгөөд Улаанбаатар хотын Захирагчийн үүрэг
гүйцэтгэгч Ж.Батбаясгалангийн гаргасан А/1184 тоот захирамжаар 10-р сарын
14-16-ны хооронд соёл урлаг, үзвэр, спортын олныг хамарсан арга хэмжээг зохион
байгуулахгүй байх шийдвэр гарсан юм.
Үүний дагуу "Ахмадын УАШТ" 10 дугаар сарын 14-16-нд түр
завсарлаж, 17-ноос үргэлжлэн явагдах бөгөөд хаалтын ажиллагаа 21-ний Лхагва
гараг хүртэл хойшлуулав.
Харин "Сонирхогчдын цом" тэмцээний хагас шигшээ тоглолтууд ирэх 7
хоногийн Даваа /Хантерс vs Багануух ХК Тулнууд 19 цагт/, Мягмар /19 цагт/
гарагуудад зохион байгуулахаар болсон байна.
Үзэгчдийн хүлээлтэд байсан “Атлетик 220”, “Улаанбаатар сити” багуудын “AFC
Cup” тэмцээний эрхийн төлөөх хоёр дахь тоглолт 10 дугаар сарын 17-ны бямба
гарагт 14 цагаас тус тус явагдахаар болжээ.
