Ulaanbaatar
УБТЗ-ын Олон улсын тээвэр зуучлал шилдэг үйлчилгээтэй байгууллагаар тодорлоо
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. Дэлхийн чанарын өдрийг тохиолдуулан манай улсад жил бүрийн 11 дүгээр
сарын хоёр дахь 7
хоногт Үндэсний чанарын чуулганыг
зохион байгуулж, Үндэсний чанарын шагнал гардуулдаг уламжлалтай.
Энэ жил "Үндэсний
чанарын чуулган-2021" үйл ажиллагааг Монгол Улсын Шадар сайдын ивээл дор
“Чанар-Тогтвортой хөгжил” уриатайгаар зохион байгууллаа. Монгол Улсын Шадар
сайд С.Амарсайхан, Засгийн газрын тохируулагч агентлаг Стандарт, хэмжил зүйн
газрын дарга Б.Билгүүн, МҮХАҮТ-ын ерөнхийлөгч
О.Амартүвшин нар Засгийн газрын нэрэмжит шагнал “Үндэсний чанарын шагнал”-ыг өнөөдөр гардууллаа. 2021 оны Үндэсний чанарын шагналын эздээр:
- Шилдэг ААН,
байгууллагаар
“Некст электроникс” ХХК,
- Шилдэг бүтээгдэхүүнээр “Сүү”
ХК-ийн “Миний Монголын сүү”,
- Шилдэг үйлчилгээ: ОБЕГ-ын “Жаргалант сувилал” тус тус шалгарлаа.
Ковид-19 цар тахлын нөхцөл байдлын улмаас өнгөрөгч 2020
оны чанарын шагналтнуудын шагналыг өнөөдрийн арга хэмжээний үеэр нөхөн олгосон
бөгөөд 2020 оны Үндэсний чанарын шагналын эздээр:
- Шилдэг ААН,
байгууллагаар“Цэцүүх
трейд”ХХК,
- Шилдэг бүтээгдэхүүнээр “АПУ
дэйри”ХХК-ийн “Сайн актив” нэрийн иогурт,
- Шилдэг үйлчилгээ: УБТЗ-ын Олон улсын тээвэр зуучлалын үйлчилгээ тодорсон юм.
