Ulaanbaatar
Гүйлтийн цаначид паралимпын анхны уралдаандаа оролцоно
МОНГОЛЫН МЭДЭЭ | СПОРТ
Улаанбаатар /МОНЦАМЭ/. “Бээжин-2022” өвлийн паралимпын наадмын 3 дахь өдөр буюу өнөөдөр /03.07/ Монголын баг тамирчдаас гүйлтийн цаначид эхний уралдаанаа эхлүүлнэ.
Тухайлбал, Гүйлтийн цанын тамирчин ОУХМ Б.Ганболд, Ц.Дашдорж нар эхний зай болох 20 км зайд сонгомол техникээр уралдана. Батмөнхийн Ганболд /LW 6 төрөлд / 10:04:30 цагаас, Цэгмидийн Дашдорж /LW 8/ 10:05:00 цагт гараанд гарна. Энэ зайд 17 тамирчин хурдаа сорино.
Ташрамд дуулгахад, Олон улсын паралимпын хорооны мэдээлэл, сурталчилгааны албанаас бямба гарагт /2022.03.06/ "Бээжин 2022" паралимпын наадамд оролцож байгаа Монгол Улсын шигшээ багийн тамирчдыг онцолж, ярилцлага авсан байна.
