Ulaanbaatar
Тэрүнофүжи Г.Ган-Эрдэнэ 3 даваатай боллоо
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Сумо бөхийн Харү башё буюу гуравдугаар сарын тэмцээний 4 дэх өдрийн барилдаанд их аварга /Ёкозүна/ Тэрүнофүжи Г.Ган-Эрдэнэ Ичиножёо А.Ичинноров /М-2/-той учраа таарч барилдан түүнийг ёрикири мэхээр давснаар 3 даваа, 1 унаатай башёг үргэлжлүүлж байна. Ичиножёо А.Ичинноров 2 даваа, 2 унаатай болоод байна.
Озэки Такакейшо энэ өдөр Дайэйшо /М-1/-той хүч үзэн түүнийг ошидаши мэхээр хаяснаар 2 даваа, 2 унаатай боллоо.
Комүсүби Хошёорюү С.Бямбасүрэн энэ өдөр Тамаваши Б.Мөнх-Оргил /М-2/-той учраа тааран барилдаж түүнийг окуридаши мэхээр хаяж 2 даваа, 2 унаатай болсон бол, Тамаваши 3 унаа 1 даваатай башёг үргэлжлүүлж байна.
Харин энэ өдөр Кирибаяама Б.Лхагвасүрэн /М-4/, Сэкиваке Вакатакакагетэй барилдан
түүнийг хатакикоми мэхээр хаяснаар 3 даваа, 1 унаатай болоод байгаа аж.
Чиёошома Г.Мөнхсайхан /М-8/, энэ өдөр Хокүтофүжи /М-6/-тэй барилдаж түүнд ошидаши мэхээр унаснаар 2 даваа, 2 унаатай боллоо.
Шинэхэн озэки Митакэүми, Комүсүби Таканошотой учраа таарч
барилдан түүнийг хатакикоми мэхээр давснаар 4 даваатай болов.
