Ulaanbaatar
Их аварга Тэрүнофүжи, озэки Митакэүми нар өвдөг шороодлоо
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Сумо бөхийн Харү башё буюу гуравдугаар сарын тэмцээний 5 дахь өдрийн барилдаанд 73 дахь их аварга Тэрүнофүжи Г.Ган-Эрдэнэ, Тамаваши Б.Мөнх-Оргил /М-2/-той учраа таарч барилдан түүнд ошитаоши мэхээр унаснаар 3 даваа, 2 унаатай болов.
Харин Тамаваши 2 даваа, 3 унаатай башёг үргэлжлүүлж байна.
Энэ өдөр шинэхэн Озэки Митакэүмитэй Кирибаяама Б.Лхагвасүрэн /М-4/ учраа таарч
барилдан түүнийг ёрикири мэхээр давснаар энэ башёд Озэки Митакэүмиг давсан анхны бөх болж 4 даваа, 1 унаатай башёг үргэлжлүүлж байна.
Озэки Такакейшо энэ өдөр Мэйсей /М-3/-тэй хүч үзэн түүнийг ошидаши мэхээр давж 3 даваа, 2 унаатай боллоо.
Комүсүби Хошёорюү С.Бямбасүрэн, Сэкиваке Вакатакакагетэй учраа таарч
барилдан түүнд ёрикири мэхээр унаснаар 2 даваа, 3 унаатай болов.
Харин Ичиножёо А.Ичинноров /М-2/ энэ өдөр Эндо /М-4/-той хүч үзэж түүнийг ёрикири мэхээр хаяж 3 даваа, 2 унаатай болоод байна.
Чиёошома Г.Мөнхсайхан /М-8/, энэ өдөр Тобизарюү /М-9/-тэй барилдаж түүнд
ёрикири мэхээр унаснаар 2 даваа, 3
унаатай боллоо
