Ulaanbaatar
“Атлетик 220” клуб “AFC cup”-ын хэсгийн шатны эрхийн төлөөх тэмцээнд хожигдлоо
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Үндэсний дээд лигийн аварга “Атлетик 220” клуб Азийн хөлбөмбөгийн холбоо /Asian Football Confederation, AFC/ “АХБХ-ны цом”-ын хэсгийн шатанд өрсөлдөх эрхийн төлөө Хонконгийн “Лий Ман” клубтэй тоглож 1:2-оор хожигдов.
Энэхүү тоглолтын эхэнд “Атлетик 220” клубийн залуус гайхалтай тоглолтыг үзүүлж ердөө 6 дахь минутад тоог 1:0 болгон тэргүүлж эхэлсэн юм. Харин Хонконгийн багаас хариу гоолыг 13 дахь минутад оруулж оноо тэнцсэн.
Шийдвэрлэх
сүүлийн хагаст багууд олон аюултай довтолгоо өрнүүлсэн ч “Лий Ман” клуб тоглолтын
61 дэх минутад амжилттай довтолгоогоо хийж, гоол хийснээр 2:1 боллоо. Улмаар
сүүлийн 29 минут болон нэмэлт 4 минутад 2 багийн аль нь ч гоол оруулж чадалгүй
тэмцээн өндөрлөв. Ийнхүү “Атлетик 220” клуб нутгийн дэвжээн дээрээ Хонконгийн “Лий
Ман” клубийн багт хожигдлоо.
“Атлетик 220” клубийн хаалгач Э.Мөнх-Эрдэнэ эсрэг багийн гоол байж болохуйц олон цохилтыг хамгаалж чадварлаг хаалгач гэдгээ харуулж хөгжөөн дэмжигчидээ баясгалаа.
