Ulaanbaatar
Ойрын өдрүүдэд бороотой, зарим нутагт уулаараа нойтон цас орно
МОНГОЛЫН МЭДЭЭ | БАЙГАЛЬ ОРЧИН
Улаанбаатар /МОНЦАМЭ/. Өнөөдөр баруун, төвийн аймгийн ихэнх нутаг, говийн аймгуудын нутгийн баруун, маргааш төвийн аймгуудын нутгийн хойд хэсэг, зүүн аймгуудын нутгийн зарим газраар, нөгөөдөр төв, зүүн аймгуудын зарим нутгаар, 26, 27-нд зүүн аймгуудын нутгийн зүүн хэсгээр, 28-нд баруун, төвийн аймгуудын нутгийн зарим газар, говийн аймгуудын нутгийн баруун хэсгээр бороо, уулаараа нойтон цас орно.
Долоо хоногийн ихэнх
хугацаанд салхи секундэд 5-10
м, борооны өмнө түр зуур ширүүсэж, өнөөдөр
Алтайн салбар уулсаар, маргааш
говь, талын нутгаар секундэд 13-15 метр хүрч ширүүсэх төлөвтэйг УЦУОШГ-аас мэдээллээ.
Агаарын температур Хангай,
Хөвсгөл, Хэнтийн уулархаг нутаг, Хүрэнбэлчир орчим, Идэр, Тэс, Байдраг, Туул,
Тэрэлж голын хөндийгөөр шөнө 4 хэм хүйтнээс
1 градус дулаан, өдөртөө 10-15 хэм, Их
нууруудын хотгор, говийн бүс
нутгийн хойд хэсгээр шөнө 9-14, өдөртөө 21-26 хэм, говийн бүс нутгийн өмнөд хэсгээр шөнө 15-20, өдөртөө 25-30,
бусад нутгаар шөнө 2-7, өдөртөө 15-20 хэм дулаан байх аж.
