Ulaanbaatar
Бриллиант, Рехамед эмнэлэгт ЭМД-ийн хөнгөлөлтөөр бай эмчилгээ хийж байна
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. ХСҮТ-д хийдэг байсан бай эмчилгээг эмнэлгийн ачааллыг бууруулах, иргэдэд түргэн шуурхай үйлчлэх зорилгоор Бриллиант, Рехамед эмнэлэгт ЭМД-ийн хөнгөлөлтөөр хийдэг боллоо.
Хорт
хавдрын орчин үеийн эмчилгээний дэвшилтэт технологиудын нэг болох химийн бай
эмчилгээ нь молекул генетикийн оношилгоон дээр үндэслэн
тухайн хүний ген болон хавдрын генд нь чиглэн хийдэг
бөгөөд хавдрын ургалт, үсэрхийллийг зогсоох, эмчилгээний боломжийг нэмэгдүүлэх,
өвчтөний амьдралын чанарыг дээшлүүлэхэд өндөр үр дүнтэй эмчилгээ юм.
2020 онд эрүүл мэндийн салбарын хууль эрх
зүйд томоохон өөрчлөлтүүд орж, 2021 оны 1 сарын 1-ний өдрөөс эхлэн
хэрэгжсэн. Үүний нэг нь хавдрын үеийн тусламж, үйлчилгээг эрүүл мэндийн
даатгалаас 100 хувь санхүүжүүлдэг болсон юм. Тэгвэл 2021 оны гуравдугаар сарын
нэгний өдрөөс эхлэн химийн бай эмчилгээг ЭМД-ын тухай хуулинд орсон нэмэлт
өөрчлөлтийн хүрээнд ЭМД-аараа 100 хувь төлөх боломж бүрдсэн.
