Ulaanbaatar
Сурагчдын шатрын ААШТ-ий Рапид төрөлд 5 медаль хүртжээ
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Узбекистаны Ташкент хотноо 2023 оны Сурагчдын шатрын Ази тивийн аварга шалгаруулах тэмцээн 7-р сарын 14-22-ны өдрүүдэд зохион байгуулагдаж байна.
Манай улсаас дэлхийн шатрын холбооны мастер "ABChess" академийн дасгалжуулагч Б.Анугаар ахлуулсан 20 тамирчин, 4 дасгалжуулагч Ташкентийн дэвжээнд өрсөлдөж байгаа юм.
Тэмцээний эхний өдөр болсон Рапид төрөлд манай тамирчид 4 алт, 1 мөнгөн медалийн болзол хангажээ. Тодруулбал;
-7 хүртэл нас охид И.Цэлмэг-АЛТАН МЕДАЛЬ
-8-9 нас охид И.Цэлмүүн-МӨНГӨН МЕДАЛЬ
-10-11 нас охид Ц.Амин-Эрдэнэ-АЛТАН МЕДАЛЬ
-12-13 нас хөвгүүд Г.Тэнгүүндалай-АЛТАН МЕДАЛЬ
-16-17 нас хөвгүүд Х.Өлзийхишиг-АЛТАН МЕДАЛЬ тус тус хүртжээ.
Өчигдөр тэмцээний СТАНДАРТ эхэлсэн байна.
