Ulaanbaatar
"Белград-2023" чөлөөт бөхийн насанд хүрэгчдийн ДАШТ-д оролцох тамирчид тодорчээ
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Сербийн нийслэл Белград хотноо ирэх есдүгээр сард болох "Белград-2023" чөлөөт бөхийн насанд хүрэгчдийн Дэлхийн аварга шалгаруулах тэмцээнд хүч үзэх Монголын баг тамирчид тодорчээ.
"Белград-2023" чөлөөт бөхийн насанд хүрэгчдийн Дэлхийн аварга шалгаруулах тэмцээнд оролцохоор:
Эрэгтэйчүүд
57 кг: Занданбудын Занабазар /2 дахь удаа/
61 кг: Нармандахын Наранхүү /2 дахь удаа/
65 кг: Төмөр-Очирын Тулга /4 дэх удаа/
70 кг: Энхтуяагийн Тэмүүлэн /2 дахь удаа/
74 кг: Олонбаярын Сүлдхүү /2 дахь удаа/
79 кг: Бат-Эрдэнийн Бямбадорж /2 дахь удаа/
86 кг: Бямбасүрэнгийн Бат-Эрдэнэ /3 дахь удаа/
92 кг: Ганбаатарын Ганхуяг /3 дахь удаа/
97 кг: Балтмөнхийн Бадамдорж /анх удаа/
125 кг: Мөнхтөрийн Лхагвагэрэл /3 дахь удаа/ нар шалгарчээ.
Эмэгтэйчүүд:
50 кг: Долгоржавын Отгонжаргал /3 дахь удаа/
55 кг: Чинболдын Отгонтуяа /анх удаа/
57 кг: Бат-Эрдэнийн Эрдэнэсувд /2 дахь удаа/
59 кг: Хүрэлхүүгийн Болортуяа /3 дахь удаа/
62 кг: Пүрэвдоржийн Орхон /2 дахь удаа/
65 кг: Түвшинжаргалын Энхжин /2 дахь удаа/
68 кг: Энхсайханы Дэлгэрмаа /3 дахь удаа/
72 кг: Энх-Амарын Даваанасан /3 дахь удаа/
76 кг: Найгалсүрэнгийн Загардулам /2 дахь удаа/ оролцохоор болсон байна. Харин 53 кг-ын жинд гавьяат тамирчин Б.Болортуяа, ОУХМ Г.Отгонжаргал нарын халз барилдаан дэлхийн аварга шалгаруулах тэмцээний цугларалт дээр болох аж.
"Белград-2023" чөлөөт бөхийн насанд хүрэгчдийн Дэлхийн аварга шалгаруулах тэмцээн Серб улсын нийслэл Белград хотноо 2023 оны есдүгээр сарын 18-27-нд болох юм.
