Ulaanbaatar
СЭЛЭНГЭ: А.Батнаран, М.Тэмүүлэн нар бага насны улсын аваргаас алтан медаль хүртлээ
ОРОН НУТГИЙН МЭДЭЭ | СЭЛЭНГЭ
Сүхбаатар,
2024 оны зургаадугаар сарын 12 /МОНЦАМЭ/. Монгол Улсын гавьяат тамирчин
С.Ган-Эрдэнийн нэрэмжит таеквондогийн бага насны улсын аварга шалгаруулах
тэмцээнээс Сэлэнгэ аймгийн баг 2 алт, 2 хүрэл медаль хүртлээ.
Монгол
Улсын гавьяат тамирчин С.Ган-Эрдэнийн нэрэмжит таеквондогийн бага насны улсын
аварга шалгаруулах тэмцээнээс Сэлэнгэ аймгийн Спортын бүрэн дунд сургуулийн 3а
ангийн сурагч А.Батнаран А буюу хар бүс элит ангиллын +30 кг-ын жинд, Сүхбаатар
сумын ЕБ-ын 1-р сургуулийн 3-р ангийн сурагч М.Тэмүүлэн В ангиллын +30 кг-ын
жинд тус тус алтан медаль хүртээд байна.
Мөн Сэлэнгэ
аймгийн Сүхбаатар сумын ЕБ-ын 2-р сургуулийн 4-р ангийн сурагч Н.Мөнх-Од В
ангиллын +38 кг-ын жинд, Сүхбаатар сумын ЕБ-ын 1-р сургуулийн 3-р ангийн сурагч
Б.Мөнх-Очир В ангиллын -30 кг-ын жинд тус тус медаль хүртжээ.
Энэ сарын
11, 12-ны өдрүүдэд Орхон аймагт зохион байгуулж байгаа тус тэмцээнд нийт 46
байгууллагын 700 гаруй тамирчин оролцож байна.
Сэлэнгэ
аймгаас аймгийн БТСГ-ын дэргэдэх Сүхбаатар сумын таеквондогийн 4 тамирчин,
дасгалжуулагч багшийн хамт оролцож байгаа юм.
