Ulaanbaatar
СЭЛЭНГЭ: Түшиг суманд гарсан ойн түймэрт 26562.9 га талбай шатжээ
ОРОН НУТГИЙН МЭДЭЭ | СЭЛЭНГЭ
Сүхбаатар,
2025 оны тавдугаар сарын 13 /МОНЦАМЭ/. Сэлэнгэ аймгийн Түшиг сумын нутаг дэвсгэрт гарсан ойн түймрийг бүрэн унтраажээ.
Түшиг сумын Ар нуга багийн Ар шүрэн гэдэг газарт энэ сарын 1-ний өдөр гарсан ойн түймрийг өнөөдөр 10:10 цагт бүрэн унтрааж, орон нутагт нь хүлээлгэн өглөө.
Түймрийн
голомтод ОБЕГ, Үндэсний аврах бригад, Агаараас эрэн хайх, аврах 111, Нийслэлийн
Онцгой байдлын газар, Сэлэнгэ, Орхон, Дархан-Уул, Өмнөговь, Дундговь,
Говьсүмбэр, Баянхонгор, Дорноговь, Өвөрхангай аймгийн Онцгой байдлын газар,
Цагааннуур сум, орон нутгийн нийт 336 хүн, 33 автомашин, техник хэрэгсэлтэйгээр
ажиллажээ.
Урьдчилсан байдлаар түймэрт 26562.9 га талбай өртсөн байна.
