Ulaanbaatar
Ерөнхий сайд У.Хүрэлсүх Хэрлэн суманд өнөөдөр ажиллаж байна
ОРОН НУТГИЙН МЭДЭЭ | ХЭНТИЙХэнтий /МОНЦАМЭ/ Монгол Улсын Ерөнхий сайд У.Хүрэлсүх танхимын сайд нарынхаа хамтаар өнөөдөр Хэнтий аймгийн төв Хэрлэн суманд ажиллаж байна.
Тэрбээр өчигдөр Жаргалтхаан, Мөрөн суманд ажиллан, иргэд хөдөлмөрчидтэй уулзалт хийж, энэ үеэрээ олон чухал асуудлыг газар дээр нь шийдэж өгөв. Тухайлбал, 47 жилийн өмнө баригдаж хуучирч, муудсан Жаргалтхаан сумын ЕБС-ийг ирэх онд 320 хүүхдийн хүчин чадалтайгаар багтаамж, стандартыг нь нэмэгдүүлж барихаа дуулгалаа. Мөн эрчим хүчний чадал нь хүрэлцдэггүйгээс хүчдэл нь байнга унадаг байна. Энэ асуудлыг шийдвэрлэхэд 3,2 тэрбум төгрөг зарцуулж, энэ оны есдүгээр сард багтааж нэмэгдүүлэхийг Эрчим хүчний сайдад үүрэг болгов. Жаргалтхаан суманд онцгой байдлын бүлгийг 12 хүнтэйгээр байгуулахаар боллоо. Түүнчлэн суманд фургон автомашин хүлээлгэж өглөө. Сумын иргэд Засгийн газрын тэргүүнээс нийгэм, улс орны талаар асуулт асуун хариулт авч, шударга ёс, хариуцлага, дэг журам тогтоож буй үйлсийг дэмжиж байгаагаа илэрхийлж байв.
