Ulaanbaatar
"Оюутны биеийн тамирын боловсрол, спортын хөгжилт" сэдэвт хурал болно
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Монголын оюутны спортын V наадмын хүрээнд "Оюутны биеийн тамирын боловсрол, спортын хөгжилт" сэдэвт эрдэм шинжилгээний хурал 11 дүгээр сарын 12-13-нд МУИС-ийн Төв номын сангийн 502 тоот эрдмийн танхимд болно.
Хурлыг БШУЯ, БТСУХ, Монголын оюутны спортын холбоо, МУИС, Үндэсний БТДС-иас хамтран оюутны Универсиад наадмын зааврын дагуу явуулж байгаа юм. Илтгэлийг ирсэн дарааллын дагуу хэлэлцүүлэхээр хөтөлбөрт оруулсан байна. Эрдэм шинжилгээний хуралд нэг сургуулиас 1 багш, залуу судлаач, 1 оюутан мандат авч оролцож байна.
Оюутан, багш нарын илтгэлийг шалгаруулан наадмын өргөмжлөл,
медаль, үнэ бүхий зүйлээр шагнаж урамшуулна.
Хурлыг зохион байгуулах Ажлын хэсэг ҮБТДС-ийн дэргэд байгуулагдсан бөгөөд шинжлэх ухааны доктор
Л.Алтанцэцэг ахлан, эрдэмтэн нарийн бичгийн дарга, доктор Д.Баасанхүү /89890215/ нар
хариуцан ажиллаж байна. "Оюутны биеийн тамирын боловсрол, спортын
хөгжилт" сэдэвт эрдэм шинжилгээний хурлын
материалаар эмхэтгэл гарах юм байна.
