Ulaanbaatar
Ойрын өдрүүдэд салхи шуургатай байхыг анхаарууллаа
ОРОН НУТГИЙН МЭДЭЭ | СЭЛЭНГЭ
Сэлэнгэ/МОНЦАМЭ/. Ойрын өдрүүдэд Сэлэнгэ аймгийн нутгаар тухайлбал Орхон-Сэлэнгийн
сав газраар бороо, цас орж, ихэнх нутгаар салхи шуургатай байхыг анхаарууллаа.
3 дугаар сарын 30-ны 20.00 цагаас 3 дугаар сарын 31-ний 20.00 цаг хүртэлх цаг агаарын урьдчилсан мэдээгээр Сэлэнгэ аймгийн нутгаар үүлшинэ. Шөнөдөө нутгийн хойд хэсгээр, өдөртөө ихэнх сумдын нутгаар бага зэргийн хур тунадас орно. Салхи баруунаас секундэд 7-12 метр. Шөнөдөө 1 градус дулаанаас 4 градус хүйтэн, өдөртөө 4-9 градус дулаан байна.
Харин Сүхбаатар хот орчмоор үүлшинэ. Бага зэргийн хур тунадас орно. Салхи баруунаас секундэд 7-12 метр. Шөнөдөө 1 градус дулаанаас 4 градус хүйтэн, өдөртөө 4-9 градус дулаан байна.
4 дүгээр сарын 1-5-ныг хүртэлх 5 хоногийн цаг агаарын урьдчилсан мэдээгээр
4-р сарын 1-нд ихэнх сумын нутгаар хур тунадас орж, зөөлөн цасан шуурга
шуурна. Бусад хугацаанд хур тунадас орохгүй. Салхи баруунаас 6-11 м/сек.
Агаарын температур шөнөдөө 2-7 градус хүйтэн, өдөртөө 7-12 градус дулаан байна.
