Ulaanbaatar
Коронавирусний 1613 тохиолдол бүртгэгджээ
ОРОН НУТГИЙН МЭДЭЭ | ДУНДГОВЬ
Дундговь /МОНЦАМЭ/. Өнөөдрийн байдлаар Дундговь аймгийн хэмжээнд
коронавирусний батлагдсан 1613 тохиолдол бүртгэгдэж, 1411 хүн эдгэрч, 6 хүн нас
баржээ.
Сүүлийн 24 цагийн байдлаар Сайнцагаан суманд 16,
Сайхан-Овоо, Баянжаргалан суманд тус бүр 5 тохиолдол батлагдсан байна.
Халдвар тус аймгийн 15 суманд бүртгэгдсэн. Сайнцагаан
суманд 829 буюу хамгийн олон тохиолдол батлагдсан бол Цагаандэлгэр суманд
хамгийн цөөн буюу 8 тохиолдол бүртгэгджээ. Эрдэнэдалай суманд 179, Дэлгэрхангай
суманд 151, Адаацаг суманд 126, бусад сумдад 19-53 тохиолдол гарчээ.
Эмчилгээний тасагт 217 өвчтөн хэвтэн эмчлүүлж байгаагаас
нэг хүний биеийн байдал маш хүнд, 6 хүний биеийн байдал хүнд, 20 хүний биеийн
байдал хүндэвтэр байна.
