Ulaanbaatar
Вакцины гурав дахь тунд 49 мянга гаруй иргэн хамрагдаад байна
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. “Файзер”, “Синофарм” вакцины нэмэлт гурав дахь тунг наймдугаар сарын 27-ноос цар тахлын голомтод ажиллаж байгаа алба хаагч, 55-аас дээш насны болон зорилтот бүлгийн иргэдэд сайн дурын үндсэн дээр тарьж буй.
Есдүгээр сарын 2-ны байдлаар 49.831 хүн нэмэлт
гурав дахь тунд хамрагдаад байна. Дархлаажуулалтын явуулын болон суурин цэгийн
байршлыг 1800-1200 тусгай дугаарын утас, “Нийслэлийн мэдээ” фэйсбүүк хуудас
болон тус хуудасны чатботоос авах боломжтой.
Нийслэлийн лавлагаа, мэдээллийн 1800-1200
тусгай дугаар нь нийслэлийн нутгийн захиргааны байгууллагуудаас иргэн, хуулийн
этгээдэд үзүүлж буй төрийн үйлчилгээ, үйл ажиллагаа болон “Ковид 19”-тэй
холбоотой мэдээ, мэдээллийг 24 цагийн турш өгч, шуурхай үйлчилгээ үзүүлэн
ажиллаж байна.
Наймдугаар сарын 27-ноос есдүгээр сарын 2-ны
хооронд тус дугаарт 1541 иргэн ханджээ.
