Ulaanbaatar
“Багш шавийн барилдлага” уран бичлэгийн үзэсгэлэнд 50 гаруй бүтээлийг дэлгэжээ
ОРОН НУТГИЙН МЭДЭЭ | ХӨВСГӨЛ
Хөвсгөл /МОНЦАМЭ/. Монголын багш нарын 55 дахь өдөрт зориулан Хөвсгөл аймгийн БСУГ-ын мэргэжилтэн О.Оюунтунгалаг өөрийн шавь Тосонцэнгэл сумын ерөнхий боловсролын сургуулийн 11-р ангийн сурагч Ү.Энхжинтэй хамтран “Багш шавийн барилдлага” уран бичлэгийн үзэсгэлэн дэлгэлээ.
Тус үзэсгэлэнд уран, бийрэн, эвхмэл бичлэг бүхий 50 гаруй бүтээлийг дэлгэн үзүүлжээ. Сурагч Ү.Энхжин “Миний хувьд аймгийн хэмжээнд гаргаж буй 3 дахь үзэсгэлэн. Би бага байхаасаа монгол хэл болон дүрслэх урлагийн хичээлд дуртай, 6-р ангиасаа үндэсний бичгийн хичээл миний сонирхлыг их татаж, түүнээс хойш монгол бичгээ судлахын зэрэгцээ бийрийн бичлэгээр хичээллэж эхэлсэн” гэдгийг хэлж байлаа.
