Ulaanbaatar
Монгол хэл, бичгийн давтан шалгалтыг 5 дугаар сарын 7-нд зохион байгуулна
МОНГОЛЫН МЭДЭЭ | БОЛОВСРОЛ
Улаанбаатар /МОНЦАМЭ/. Эх хэлний боловсролын чанар, хэрэглээ, иргэдийн харилцааны соёл, эх хэлний дархлааны түвшинг тогтоох, сайжруулах зорилго бүхий монгол хэл, бичгийн шалгалт орон даяар энэ сарын 2-нд эхэлсэн. Монгол хэл, бичгийн шалгалтын дүн өнөөдөр гарч, Боловсролын үнэлгээний төвийн цахим хуудсанд байршжээ.
Энэ тухай
Боловсролын үнэлгээний төвийн Үндэсний болон олон улсын хэлтсийн мэргэжилтэн М.Болдсайханаас
тодрууллаа.
-Энэ жилийн монгол хэл бичгийн шалгалтад хэчнээн
шалгуулагч бүртгүүлэв?
-Энэ онд ерөнхий боловсролын сургуулийг 33.053 сурагч төгсөнө. Шалгалтад 37.283 шалгуулагч бүртгүүлснээс 31.032 нь 12 дугаар ангид суралцаж буй сурагчид, 6251 нь өнгөрсөн жил сургуулиа төгссөн хүүхдүүд байна.
-Шалгуулагчийн хэдэн хувь нь шалгалтад тэнцсэн бэ?
-Шалгалтын дүн хараахан гараагүй байна.
-Монгол
хэл, бичгийн шалгалтад тэнцээгүй тохиолдолд яах вэ?
-Энэ жил монгол хэл, бичгийн шалгалтын босго оноог 400-гаар
тогтоосон. Энэ удаагийн шалгалтад оролцож чадаагүй болон босго оноонд хүрч
чадаагүй шалгуулагчид дахин шалгалтад орно. Давтан шалгалтыг 5
дугаар сарын 7-нд зохион байгуулна.
Шалгалтад хамрагдахын тулд Боловсролын Үнэлгээний төвийн eec.mn хуудсанд хандана. Шалгалтын дүн
гарахад босго онооны болзол хангаагүй, шалгалтад ямар нэгэн шалтгаанаар оролцож чадаагүй шалгуулагч 5
дугаар сарын 7-нд эхлэх шалгалтад бүртгүүлнэ. Бүртгэл 4 дүгээр сарын 27-ныг
хүртэл үргэлжилнэ.
