Ulaanbaatar
Соёолон насанд уяач Б.Энхбаатарын халтар үрээ түрүүллээ
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой, Үндэсний их баяр наадмын соёолон насны хурдан морьдын уралдаанд Ховд аймгийн Мянгад сумын уяач Б.Энхбаярын халтар үрээ түрүү магнайд хурдлан наадамчин олноо баясгалаа.
Энэ жилийн баяр наадмын соёолон насны хурдан морины уралдаанд 344 шандаст хүлэг бүртгүүлснээс 250 нь гарааны зурхайгаас эргэсэн юм.
- Аман
хүзүүнд Хөвсгөл аймгийн Галт сумын уяач Б.Отгонсэлэнгийн саарал үрээ,
- Айргийн гуравт Хөвсгөл
аймгийн Галт сумын уяач Н.Нацагдоржийн
хээр халзан үрээ,
- Айргийн дөрөвт Баянхонгор аймгийн уяач, нийслэлийн
Сүхбаатар дүүргийн З.Жавхлангийн
хээр үрээ,
- Айргийн тавд Архангай аймгийн Хотонт сумын уяач Д.Лхагвасүрэнгийн хул халзан үрээ хурдаллаа.
Гэрэл зургуудыг Т.Чимгээ
