Ulaanbaatar
ХӨВСГӨЛ: Дөл тэмцээнд оролцсон сурагчдад хүндэтгэл илэрхийлэв
ОРОН НУТГИЙН МЭДЭЭ | ХӨВСГӨЛ
Хөвсгөл /МОНЦАМЭ/. Хөвсгөл аймгийн Засаг дарга Ш.Идэрбаясгалан улсын аварга
шалгаруулах цэрэг - спортын "Дөл" тэмцээнд
амжилттай оролцсон сурагчдыг хүлээн авч уулзан хүндэтгэл илэрхийллээ.
Тэрбээр “Улсын аварга шалгаруулах "Дөл-2022" цогцолбор тэмцээнд оролцсон хүүхэд бүр
ялагч юм. Аймгаасаа шалгарч оролцоно гэдэг өндөр түвшинд бэлтгэгдсэнийг илтгэж
байгаа хэрэг. Нийслэлийн 9 дүүрэг, 21 аймгийн 400 гаруй сурагчаас 7 дугаар байр
чамлахааргүй амжилт” гэдгийг онцолж байлаа.
Мөн тэмцээнд оролцсон сурагчдадаа
амжилт хүсээд, цэрэг эх оронч үзэл төлөвшилтэй, эрүүл монгол иргэн болж
бэлтгэгдэж буй сурагчдад улам их амжилт хүслээ.
