Ulaanbaatar
Эхний өдрийн дүнгээр Монголын баг 9 дүгээрт эрэмбэлэгдлээ
МОНГОЛЫН МЭДЭЭ | СПОРТ
Улаанбаатар /МОНЦАМЭ/. “Ханжөү 2022” Азийн зуны XIX наадмын эхний өдөр Монголын баг тамирчид нэг мөнгө, хоёр хүрэл медаль хүртсэн амжилтаар медалийн чансаагаар 9 дүгээрт эрэмбэлэгдлээ.
Хийн
урт бууны эмэгтэй багийн О.Есүгэн, Ч.Нарантуяа, Г.Нандинзаяа нар 10 метрийн
дасгалд хүрэл медаль хүртэж, Монголын багийн медалийн салхийг хагалсан бол жүдо
бөхийн төрөлд эрэгтэйчүүдийн 66 кг-ын жинд Ё.Басхүү мөнгө, эмэгтэйчүүдийн 52
кг-ын жинд Л.Сосорбарам хүрэл медаль зүүснээр ийн 9 дүгээр байрт эрэмбэлэгджээ. 
Нударган
зодоончдын тэмцээн өчигдөр эхэлж, эмэгтэйчүүдийн 50 кг-д хүч сорьсон О.Есүгэн
Филиппиний боксчин Айра Виллагесийг 3:1 оноогоор ялсан юм. Тэрбээр дараагийн
тойрогт Бангладешийн Зиннат Фердоустай тулалдахаар болсон. Тэдний тулаан энэ
сарын 27-нд 14:00 цагаас болно. 
Эрчүүдээс
63.5 кг-д хүч сорьсон МУГТ Б.Чинзориг Туркменистаны боксчин Хурсанд
Иманкулиевийг 4:1 оноогоор ялснаар дараагийн тойрогт Узбекистаны Руслан
Абдуллаевтай оноолт таараад байна.
Харин 80 кг-д “нударга зөрүүлсэн” Г.Далай олимпын хүрэл, ДАШТ-ий мөнгөтэй Филиппиний Феликс Марсиалд 0:5-аар хожигдож, тэмцээнээ өндөрлүүллээ.
