Ulaanbaatar
Ганцаараа зодоглосон Б.Мөнх-Эрдэнэ хүрэл медалийн эзэн болжээ
МОНГОЛЫН МЭДЭЭ | СПОРТ
Улаанбаатар, 2023 оны аравдугаар сарын 26 /МОНЦАМЭ/. Чөлөөт бөхийн U23 насны Дэлхийн аварга шалгаруулах тэмцээн Албанийн Тирана хотноо энэ сарын 23-нд эхэлсэн билээ.
ДАШТ-д
өрсөлдөхөөр Монгол Улсаас ганцхан тамирчин очсон бөгөөд 57 кг-ын жинд зодоглосон
“Төгс дэвжээ”-ий бөх Б.Мөнх-Эрдэнэ эхний даваанд гоц мөргөж, хоёрдугаар тойрогт
Украины Георгий Казанжиг 9:2 оноогоор, гуравдугаар тойрогт Энэтхэгийн Шубхамыг
13:2 оноогоор цэвэр ялж, шөвгийн дөрөвт 2022 оны Европын АШТ-ий хүрэл медальт
Армений Манвел Хнзрцянд 3:13 оноогоор ялагдсан байна.
Улмаар
медалийн төлөөх барилдаанд Германы Никлас Стечелег 7:5 оноогоор ялж ДАШТ-ий
хүрэл медалийн эзэн боллоо.
