Ulaanbaatar
Эхний хагас жилд 7.8 тонн үнэт металл худалдан авчээ
МОНГОЛЫН МЭДЭЭ | ЭДИЙН ЗАСАГ
Улаанбаатар, 2024 оны долоодугаар сарын 2 /МОНЦАМЭ/. Монголбанк энэ оны 6 дугаар сард 1,692.3 кг үнэт металл худалдан авч, оны эхнээс өссөн дүнгээр 7.8 тонн үнэт металл худалдан аваад байна.
Оны эхнээс өссөн дүнгээр Дархан-Уул аймаг дахь Монголбанкны
хэлтэс 209.7 кг, Баянхонгор аймаг дахь хэлтэс 492.6 кг үнэт металл тус тус
худалдан авсныг төв банк мэдээлэв.
Монголбанкны үнэт металл худалдан авах үнийг дэлхийн зах зээл дээрх үнээр тогтоодог бөгөөд энэ оны зургаадугаар сард алт худалдаж авах дундаж үнэ 252,783.17 төгрөг байв.
