Ulaanbaatar
Энэ долоо хоногт Монгол Улсад
МОНГОЛЫН МЭДЭЭ | НИЙГЭМ
Улаанбаатар, 2024 оны наймдугаар сарын 26 /МОНЦАМЭ/. Наймдугаар сарын 26-наас есдүгээр сарын нэгэн хүртэлх үйл явдлын тойм
8-р сарын 15-30-ны өдрүүдэд: УИХ-ын ээлжит бус чуулган хуралдана.
8-р сарын 25-26-ны өдрүүдэд: Гадаад харилцааны сайд Б.Батцэцэгийн урилгаар Оманы Султант Улсын Гадаад хэргийн сайд Сайид Бадр Бин Хамад Бин Хамуд Албусайди Монгол Улсад айлчилна.
8-р сарын 26-нд: Халх голын байлдааны ялалтын 85 жилийн ойд зориулсан Монгол Улс, ОХУ-ын Зэвсэгт хүчний хамтарсан ёслолын жагсаал Дорнод аймгийн Чойбалсан хотод болно.
8-р сарын 26-28-нд: Олон улсын Монгол судлалын холбоо, МУИС, Гандантэгчэнлин хийдээс зохион байгуулж буй "Монголын бурхан шашин судлал" сэдэвт хурал болно.
8-р сарын 26-29-ний өдрүүдэд: AНУ-ын Элчин сайдын яамны санаачилгаар ЭСЯ болон Монголын кино институт хамтран “Америкийн баримтат кино өдрүүд”-ийг Гэгээнтэн кино театрт зохион байгуулах ба бүх үзвэр үнэ төлбөргүй.
8-р сарын 28-нд: Засгийн газрын ээлжит хуралдаан Төрийн ордонд болно.
8-р сарын 27-ноос 9-р сарын 2-ныг дуустал: Аймаг, нийслэл, сум, дүүргийн иргэдийн Төлөөлөгчдийн Хурлын 2024 оны ээлжит сонгуульд оролцохоор бүртгүүлсэн нам эвслээс болон бие даан нэр дэвшүүлэх ажиллагаа үргэлжилнэ.
8-р сарын 28-ныг хүртэл: Монгол-Германы хооронд
дипломат харилцаа тогтоосны 50 жилийн ойн хүрээнд дэлгэсэн хоёр улсын
15 уран бүтээлчийн “2 day in Mongolia” үзэсгэлэн Г.Занабазарын нэрэмжит Дүрслэх
урлагийн музейд олны хүртээл болно.
9-р сарын 1: 2024-2025 оны шинэ хичээлийн жилийн нээлт улс орон даяар болно. Нээлтийн үеэр Монгол Улсын Ерөнхийлөгч У.Хүрэлсүх “Монгол Улсын Үндсэн хууль” сэдвээр цахим хичээл заана.
8-р сарын 22-ноос: Дорнод аймгийн Халх суманд 14 хоногийн хугацаатай цэргийн археологийн малтлага явагдана.
9-р сарын 16-ныг хүртэл: Халх голын ялалтын 85 жилийн ойд
зориулсан “Халх гол-85 жил” үзэсгэлэн Чингис хаан Үндэсний музейд үргэлжилнэ.
9-р сарын 18-ныг хүртэл: “Сэтгэлийн хат-өөрчлөлтөд хөтөлсөн эмэгтэйчүүдийн
түүх” гэрэл зургийн үзэсгэлэн үргэлжилнэ.
9-р сарын 22-ныг хүртэл: “Дэлхийн эмэгтэйчүүдийн чуулга уулзалт”-ын
хүрээнд зохион байгуулж буй “Манлайллын 17 төрх” гэрэл зургийн үзэсгэлэн Чингис
хаан Үндэсний музейд үргэлжилнэ.
Орон нутагт:
Завхан аймгийн Улиастай суманд энэ сарын 24-26-ний өдрүүдэд
номын санчдын 15 дугаар спортын их наадам болно.
