Ulaanbaatar
Ирэх сард дархан аваргуудын нэрэмжит барилдаан болно
МОНГОЛЫН МЭДЭЭ | СПОРТ
Монголын үндэсний бөхийн холбоо /МҮБХ/-ноос ирэх 11 дүгээр сард бөхийн өргөөнд болох барилдааны хуваарийг гаргажээ.
Энэхүү хуваарийн дагуу 11 дүгээр сарын 5-ны 14 цагаас Увс нуур дэвжээний намрын нээлтэд зориулсан Дархан аварга Х.Баянмөнхийн нэрэмжит, улс, аймгийн алдар цолтой 224 бөхийн барилдаан болох бол 11 дүгээр сарын 13-ны 14 цагаас Хантайшир дэвжээ үүсэн байгуулагдсаны 15 жилийн ойд зориулсан улс, аймгийн алдар цолтой 224 бөхийн барилдаан болно.
Мөн ирэх сарын 20-ны 14 цагаас Дархан аварга Б.Түвдэндоржийн мэндэлсний 100 жилийн ойд зориулсан улс, аймгийн алдар цолтой 224 бөхийн барилдаан тус тус зохион байгуулна.
Д.Өлзий
