Ulaanbaatar
ХОВД: Хар-Ус нуурт 280 гаруй төрлийн шувуу бүртгэгджээ
ОРОН НУТГИЙН МЭДЭЭ | ХОВД
Жаргалант, 2025 оны аравдугаар сарын 9 /МОНЦАМЭ/. Ховд аймгийн аялал жуулчлалын гол үзмэрүүдийн нэг бол Хар-Ус нуур юм.
Энд олон төрлийн усны шувуу үүрлэж өндөглөдөг, нүүдлийн шувуудын дайран өнгөрдөг чухал газар гэдгээрээ онцлогтой.
Одоогоор Ховд аймгийн Хар-Ус нуур болон түүний орчны бүсэд нугас, галуу, цахлай зэрэг 287 төрлийн шувуу бүртгэгджээ.
Үүнээс хамгийн сүүлд (он гарсаар) их цагаан хотон шувуу гэх нэгэн шинэ төрөл зүйл Хар-Ус нуурт анх удаа бүртгэгдсэн юм.
Мөн Хар-Ус нуур, түүний орчны бүсэд энэ жил 100 орчим борцгор хотон шувуу зуссан гэх албан бус мэдээлэл байгаа ба судалгааны ажил үргэлжилж байна.
