Ulaanbaatar
“Эрдэнэс Тавантолгой” ХК-ийн сүүлийн гурван жилийн үйл ажиллагаанд аудит хийнэ
МОНГОЛЫН МЭДЭЭ | УЛС ТӨР
Улаанбаатар, 2025 оны арваннэгдүгээр сарын 5 /МОНЦАМЭ/. “Эрдэнэс Тавантолгой” ХК-ийг нээлттэй хувьцаат компани болгох, хувьцааг биржээр арилжаалах бэлтгэл ажлын хүрээнд компанийн сүүлийн гурван жилийн үйл ажиллагаанд аудит хийлгэж дүгнэлт гаргуулахаар гүйцэтгэгчийг нээлттэй зарлаж, шалгаруулах ажлын даалгаврыг боловсруулаад байгааг ЗГХМОНХГ-аас мэдээллээ.
УИХ-ын 2010 оны 39 дүгээр тогтоолоор “Эрдэнэс Тавантолгой” ХК-ийн хувьцааны 20 хүртэлх хувийг, 2018 оны 73 дугаар тогтоолоор дээрх хувьцааны 30 хүртэлх хувийг гадаад дотоодын хөрөнгийн биржээр арилжаалахаар шийдвэрлэсэн.
Засгийн газрын хуралдаанаас “Эрдэнэс
Тавантолгой” ХК-ийг нээлттэй хувьцаат болгох чиглэлээр удаа дараа үүрэг
даалгавар өгсөн бөгөөд нээлттэй хувьцаат компани
болгох бэлтгэл ажлыг үе шаттай хэрэгжүүлэх хүрээнд тус компанийн үйл
ажиллагаанд олон улсад хүлээн зөвшөөрөгдсөн, хараат бус хөндлөнгийн аудитын
байгууллагаар аудит хийлгэх шаардлага үүсээд буй юм.
