Ulaanbaatar
Багийн Засаг дарга нар сонгогдов
ОРОН НУТГИЙН МЭДЭЭ | ДОРНОГОВЬ
Энэ оны сүүлчийн сонгууль Дорноговь аймагт багуудын Иргэний нийтийн хурлын дарга, багийн Засаг даргыг сонгосноор өндөрлөлөө.
Арван нэгдүгээр сарын 27-ноос 30-ны хооронд болсон Сайншанд сумын 7 багийн Иргэний нийтийн хурлаар өмнө нь ажиллаж байсан Иргэний нийтийн хурлын дарга, багуудын Засаг дарга нар өнгөрсөн хугацаанд хийж хэрэгжүүлсэн ажлын тайлангаа тавьсанаас гадна шинээр ИHХ-ын болон багийн Засаг дарга нарыг сонголоо.
Нэгдүгээр багийн Засаг даргаар Н.Мөнхбаяр, II багийн Засаг даргаар Э.Гантулга, III багийн Засаг даргаар Д.Төмөрбаатар, IV багийн Засаг даргаар Ц.Анхзул, V багийн Засаг даргаар И.Наранхүү, VI багийн Засаг даргаар Б.Бат-Эрдэнэ, VII багийн Засаг даргаар Т.Алтанболд нар сонгогджээ.
Харин ирц хүрээгүй гэх шалтгаанаар III, V багийн Засаг даргыг батламжлаагүй байна. Шинээр сонгогдсон бусад багийн Засаг дарга нар үүрэгт ажлаа хүлээн аваад байна.
Х.Эрдэнэбулган
