Ulaanbaatar
МУБИС-д "Орос хэлний сургалтын төв" байгуулна
МОНГОЛЫН МЭДЭЭ | БОЛОВСРОЛМУБИС-ийн урилгаар БСШУС-ын сайд Ж.Батсуурь багш, ажилтан, албан хаагчид, оюутан суралцагчдын төлөөлөлтэй уулзан ярилцаж, тэдний сонирхсон асуултад хариулав.
Тэрбээр багш нар, оюутнуудтай хийсэн уулзалтын үеэр "Орос хэлний сургалтын төв"-ийг ОХУ-ын М.В.Ломоносовын нэрэмжит Москвагийн их сургуулийн дэмжлэгээр МУБИС-д байгуулахаар болсноо мэдэгдэв. Тус төв нь орос хэлний багш нарын мэргэжлийг дээшлүүлэх, Орос хэлний бэлтгэл ангийг нээн хичээлүүлэх, манай оронд ОХУ-ын сургалтын хөтөлбөрөөр хичээллэдэг хоёр улсын хамтарсан ЕБС төгсөгчдийн төгсөлтийн шалгалт авах боломжийг бүрдүүлэх юм.
БСШУС-ын сайд Ж.Батсуурийг БСШУСЯ-ны Бодлогын хэрэгжилтийг зохицуулах газрын дарга М.Мөнхбаатар дагалдан явсан бөгөөд тэдэнд МУБИС-ийн удирдлагууд сургалтын өнөөгийн байдал, сүүлийн үеийн бүтээн байгуулалт, эрдэмтэн багш оюутнуудын шилдэг бүтээлүүдээс танилцуулав.
Мөн тэдэнд оюутнуудынхаа урласан бүтээлийн дээжээс дурсгал болгон өгч ажлын амжилт хүссэн юм.
Ж.Болор
