Ulaanbaatar
Багийн барилдаанд "Женко" клуб тэргүүлэв
МОНГОЛЫН МЭДЭЭ | СПОРТ
Жүдо бөхийн насанд хүрэгчдийн Улсын аварга шалгаруулах тэмцээний багийн барилдаан өчигдөр болж өндөрлөв.
Эмэгтэйчүүдийн багийн барилдаанд Алтан медалийн төлөө ХХЕГ-ын харъяа “Хилчин” спорт хороо-“Женко-1” багуудын хооронд өрнөж 2:3 харьцаатай “Женко” клуб ялалт байгуулсан байна.
Тодруулбал хүрэл медалийн төлөө эхний барилдаанд Зэвсэгт хүчний “Алдар” спорт хороо – Монголын Жүдо академийг 3:2, хоёр дахь хүрэл медалийн төлөөх барилдаанд ШШГЕГ-ын харъяа “Сүлд” спорт хороо-“Женко-2” багийг 3:2 харьцаагаар ялав.
“Хилчин”-ий П.Буянхишиг, МУГТ Д.Сумъяа нар эхний барилдаануудад ялалт байгуулсан ч “Женко”-клубийн Б.Мөнгөнчимэг Улсын аварга Б.Хулан нар онооны харьцааг тэнцүүлсэн юм. Харин сүүлийн барилдаанд Б.Мөнхтуяа /+78/,-Ц.Наранжаргал /-78/ нар оноолт таарч Ц.Наранжаргал багтаа ялалт авчирлаа.
