Ulaanbaatar
Цахим гэмт хэргийг бууруулахад хамтран ажиллана
МОНГОЛЫН МЭДЭЭ | ХУУЛЬХЗДХЯ-ны дэргэдэх Гэмт хэргээс урьдчилан сэргийлэх ажлыг зохицуулах зөвлөл нь тодорхой төрлийн гэмт хэрэгтэй тэмцэх, урьдчилан сэргийлэх чиглэлээр Харилцаа холбооны зохицуулах хороотой хамтран ажиллахаар боллоо.
Тус зөвлөл Харилцаа холбооны зохицуулах хороотой хамтран цахим гэмт хэрэг болон хулгайлах гэмт хэрэгтэй тэмцэх, урьдчилан сэргийлэх зорилгоор Цагдаагийн ерөнхий газартай гурван талын байнгын ажлын хэсэг байгуулж, цаашид цахим орчинд гэмт хэргийн чанартай мэдээ, мэдээлэл тархах, гэмт хэргийг сурталчлах, уриалан дуудах агуулга бүхий мэдээлэл, нэвтрүүлэгт үнэлгээ хийх зэрэг тодорхой арга хэмжээг хэрэгжүүлэхээр төлөвлөөд байна. Мөн гэмт хэргээс урьдчилан сэргийлэх чиглэлээр мэдээлэл, харилцаа холбооны салбарын байгууллагуудын оролцоог нэмэгдүүлэх, хамтарсан арга хэмжээ зохион байгуулж, хөтөлбөр хэрэгжүүлэх, харилцан дэмжлэг туслалцаа үзүүлж ажиллахаар тохиролцлоо гэж ХЗДХЯ-ны хэвэл лолн нийттэй харилцах албанаас мэдээллээ.
Ж.Батсайхан
