Ulaanbaatar
“Дэрэн” баг “Хараацай”-г хожсоноор аваргын төлөө өрсөлдөнө
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Монголын хөлбөмбөгийн холбоо /МХБХ/-ноос зохион байгуулдаг залуучуудын футзалын УАШТ-ий хагас шигшээгийн эхний тоглолт өнөөдөр 10 цагаас “Дэрэн”, “Хараацай” багуудын хооронд болж “Дэрэн”-гийн ялалтаар өндөрлөв.
Өмнөх тоглолтод “Монголын тэмүүлэл” гэсэн хүчтэй өрсөлдөгчөө торгуулийн цохилтоос буулга авсан “Хараацай” клубийн хөвгүүд энэ өдрийн тоглолтын гоолын салхийг хагалж, 17 дахь минутад “Хараацай” клубын 3 дугаартай О.Сүхбат гоол орууллаа. Харин Б.Гарьдмагнай дасгалжуулагчтай “Дэрэн”-гийн хөвгүүд бөмбөгийг өрсөлдөгчөөсөө илүү эзэмшиж, тоглолтын санаачилгыг гартаа авч чадсаны дүнд хожлыг өөрийн талд шийдлээ. Тэд үндсэн цагтаа 2:1-ээр хожсон бөгөөд “Дэрэн” багаас М.Жансерик /20’/ Э.Өнөр-Эрдэнэ /21’/ нар гоол оруулснаар маргааш аваргын төлөө тоглохоор болов.
Өмнөх тоглолтод “Монголын тэмүүлэл” гэсэн хүчтэй өрсөлдөгчөө торгуулийн цохилтоос буулга авсан “Хараацай” клубийн хөвгүүд энэ өдрийн тоглолтын гоолын салхийг хагалж, 17 дахь минутад “Хараацай” клубын 3 дугаартай О.Сүхбат гоол орууллаа. Харин Б.Гарьдмагнай дасгалжуулагчтай “Дэрэн”-гийн хөвгүүд бөмбөгийг өрсөлдөгчөөсөө илүү эзэмшиж, тоглолтын санаачилгыг гартаа авч чадсаны дүнд хожлыг өөрийн талд шийдлээ. Тэд үндсэн цагтаа 2:1-ээр хожсон бөгөөд “Дэрэн” багаас М.Жансерик /20’/ Э.Өнөр-Эрдэнэ /21’/ нар гоол оруулснаар маргааш аваргын төлөө тоглохоор болов.
Д.Өлзий
