Ulaanbaatar
Люксембургийн Зүрхний мэс заслын хамтарсан баг зүрхний нээлттэй мэс засал хийв
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. Люксембургийн Их Гүнт улсын Зүрхний мэс заслын 8 хүний бүрэлдэхүүнтэй эмч мэргэжилтний баг энэ сарын 01-09-нд Улсын Гуравдугаар төв эмнэлгийн Зүрх судасны төвд ажиллалаа.
Тус баг Монгол Улсад 2012 оноос эхлэн жилд 2-3 удаа ирж ажиллаж байгаа бөгөөд манай эмч мэргэжилтнүүдтэй хамтран зүрх судасны мэс засал хийх, ажлын байран дахь сургалт явуулах зэрэг үйл ажиллагааг уламжлал болгон зохион байгуулж байгаа юм.
Энэ удаа 6 том хүн, 5 сартайгаас 5 настай хүүхэд нийт 11 өвчтөнд мэс засал хийв. Тухайлбал, зүрх судасны хавсарсан гажиг, эрсдэл өндөртэй насанд хүрэгч нэг хүнд гол судасны хавхлага солих мэс заслыг өгсөх хэсгийг хиймэл судсаар солих мэс засалтай нэгэн зэрэг хийсэн. Мөн гол судасны хавхлагыг нөхөн сэргээх мэс заслыг гол судасны өгсөх хэсгийг хиймэл судсаар солих мэс засалтай нэгэн зэрэг амжилттай хийлээ. Түүнчлэн 2 хавтаст хавхлагыг нөхөн сэргээх, солих мэс засал, зүрхний титэм судасны мэс засал, хүнд, хавсарсан хэлбэрийн зүрхний төрөлхийн гажиг оноштой бага насны 5 хүүхдэд Фаллогийн дөрвөл гажиг засах, ховдол хоорондын таславчийн цоорхой нөхөх, коарктаци засах, уушгины артери бөгжлөх зэрэг мэс заслыг амжилттай хийсэн юм.
Тус баг Монгол Улсад 2012 оноос эхлэн жилд 2-3 удаа ирж ажиллаж байгаа бөгөөд манай эмч мэргэжилтнүүдтэй хамтран зүрх судасны мэс засал хийх, ажлын байран дахь сургалт явуулах зэрэг үйл ажиллагааг уламжлал болгон зохион байгуулж байгаа юм.
Энэ удаа 6 том хүн, 5 сартайгаас 5 настай хүүхэд нийт 11 өвчтөнд мэс засал хийв. Тухайлбал, зүрх судасны хавсарсан гажиг, эрсдэл өндөртэй насанд хүрэгч нэг хүнд гол судасны хавхлага солих мэс заслыг өгсөх хэсгийг хиймэл судсаар солих мэс засалтай нэгэн зэрэг хийсэн. Мөн гол судасны хавхлагыг нөхөн сэргээх мэс заслыг гол судасны өгсөх хэсгийг хиймэл судсаар солих мэс засалтай нэгэн зэрэг амжилттай хийлээ. Түүнчлэн 2 хавтаст хавхлагыг нөхөн сэргээх, солих мэс засал, зүрхний титэм судасны мэс засал, хүнд, хавсарсан хэлбэрийн зүрхний төрөлхийн гажиг оноштой бага насны 5 хүүхдэд Фаллогийн дөрвөл гажиг засах, ховдол хоорондын таславчийн цоорхой нөхөх, коарктаци засах, уушгины артери бөгжлөх зэрэг мэс заслыг амжилттай хийсэн юм.
