Ачаалж байна…
Ачаалж байна…
Montsame News Agency

Улаанбаатар, 2026 оны арваннэгдүгээр сарын 16 /МОНЦАМЭ/. БНХАУ-ын Бээжин хотод зохион байгуулсан Тусгай олимпын хөлбөмбөгийн Зүүн Азийн бүсийн тэмцээнд оролцсон Монголын эмэгтэй баг алтан медаль хүртэж, цомын эзэн болсон байна.
Уг тэмцээнд Зүүн Азийн бүсэд багтдаг Монгол, Хятад, Хятадын Макао, Хонконг, Тайванийн эрэгтэй 17, эмэгтэй 16 багийн 300 гаруй тамирчин өрсөлдсөнөөс Монголын эмэгтэй баг “Хамтарсан хөлбөмбөг” төрөлд долоон тоглолтдоо бүгдэд нь хожсоноор алтан медаль хүртэж, төрийн дууллаа эгшиглүүлжээ. Оюуны хөгжлийн бэрхшээлтэй тамирчдын спортын оролцоог нэмэгдүүлэх, тэдний ур чадвар, авьяас чадварыг хөгжүүлэх, улс орнуудын нөхөрлөл, хамтын ажиллагааг бэхжүүлэх зорилготой энэхүү нэр хүндтэй тэмцээнийг жил бүр зохион байгуулдаг уламжлалтай.
Монголын тусгай олимпын эмэгтэй багийг тус тэмцээнд бэлтгэх болон оролцоход Монголын хөлбөмбөгийн холбооноос бэлтгэл сургуулилалтын талбай, спортын хувцас, хэрэгслээр дэмжлэг үзүүлжээ.