Ачаалж байна…
Ачаалж байна…
Montsame News Agency

Чойбалсан, 2026 оны арваннэгдүгээр сарын 13 /МОНЦАМЭ/. Дорнод аймгийн Гурванзагал сумаас зүүн урагш 10 км зайд 160 гаруй оршуулгын байгууламж тоологдсоны ихэнх нь дөрвөлжин булш юм.
Булшны нүхний гүн 96-162 см хооронд байдаг бөгөөд хүний толгойг хойд, зүүн хойд зүгт хандуулан тавьсан байдаг. Эрэгтэй хүнд гол төлөв төмөр дөрөө, зэв, үйсэн саадаг, эмэгтэй хүнд ээмэг, богтаг малгай, үйлийн хайч, хүрэл толь зэргийг дагалдуулсан нь дундад эртний булшны онцлог гэж судлаачид үздэг.
Мөн сонирхуулахад, Дорнод аймгийн Сэргэлэн суманд Шивээт хэмээх газарт 10 м урт, 8 м өргөн чулуун барилгын ором бий. Тэдгээрийн хойно нэгэн дөрвөлжин булш байх бөгөөд манж нарт цаазлагдсан Гүнсаваагийн эхнэрийх гэж ярьдаг. 1755-1758 онд Монголын ард түмнийг хамарсан зэвсэгт тэмцэл өрнөж Баруун Монголыг Амарсанаа, Халх монголыг Чингүнжав, Зүүн Монголыг Гүнсаваа, Өвөр Монголыг Сэвдэнбалжир нар удирджээ. Энэ тэмцэл зөвхөн Баруун Монголд өрнөснөөр тэмдэлэгдэн үлдсэн бөгөөд Гүнсаваагын тухай түүх өнөөг хүртэл бүрхэг байсан юм. Түүний намтар түүхийг Мэндийн Зэнээ агсан судалж байжээ.