Ачаалж байна…
Ачаалж байна…
Монцамэ

Улаанбаатар /МОНЦАМЭ/. Чөлөөт бөхийн 18 дахь удаагийн эмэгтэйчүүдийн Дэлхийн цомын тэмцээний “В” хэсгийн 2 дахь барилдаанд Монголын шигшээ баг 2003 оны Дэлхийн цомын аварга АНУ-ын шигшээ багтай халз барилдаж 4:6-гаар хожигдон өнөөдөр БНХАУ-ын шигшээтэй хүрэл медалийн төлөө хүч үзэхээр болов.
Наритад ирсэн Америкийн шигшээ багт “Нур-Султан-2019” ДАШТ-д түрүүлсэн гурван дэлхийн аварга бөх очсон байв. Монголын эмэгтэй шигшээ баг эхний барилдаанд ОХУ-ын багийг 6:4-өөр ялсан юм. Монголын шигшээ багийн тамирчид сүүлийн гурван удаагийн Дэлхийн цомын АШТ-ий хүрэл медалийн төлөөх барилдаанд АНУ-ын шигшээг буулган авч байсан бол энэ удаа шинэ залуу бөхчүүдэд бага зэрэг туршлага дутан ялагдал хүлээлээ.
Монголын шигшээ багт ДАШТ-ий хошой хүрэл медальт, ОУХМ Б.Шоовдор, ДАШТ-ий хүрэл медальт ОУХМ Б.Болортуяа, 23 хүртэлх насны ДАШТ-ий мөнгөн медальт ОУХМ А.Батцэцэг, ОУХМ Э.Даваанасан нар ялалт байгуулсан. Дэлхийн аваргын отгон медальтан Б.Болортуяа энэ жилийн Нур-Султаны дэвжээнд оноогоор цэвэр ялагдсан дэлхийн аварга Жакарра Винчестерийг цэвэр дарж хариугаа авч чадлаа. Өнөөдөр Монголын шигшээ баг медалийн төлөөх халз барилдаанаа Дэлхийн цомын зургаан удаагийн аварга БНХАУ-ын хүчирхэг багтай хийх юм.
Монгол - АНУ 4:6
50 кг: Цогт-Очирын Намуунцэцэг - Уитни Кондер 3:4
53 кг: Нандинцэцэгийн Анударь - Сара Хильдбранд цэвэр ялагдсан
55 кг: Бат-Очирын Болортуяа - Жакарра Винчестер цэвэр ялсан
57 кг: Алтанцэцэгийн Батцэцэг - Келси Кэмпбелл 8:0
59 кг: Баатаржавын Шоовдор - Десири Завала 12:2
62 кг: Энхбатын Гантуяа - Мэйси Килт 2:4
65 кг: Өлзийсайханы Пүрэвсүрэн - Форрест Молинари 2:6
68 кг: Энхсайханы Дэлгэрмаа - Тамыра Менса 0:10
72 кг: Энх-Амарын Даваанасан - Виктория Фрэнсис 13:7
76 кг: Ганбатын Ариунжаргал - Аделине Грэй цэвэр ялагдсан
Монгол – Хятад 2019.11.17
LEI C. or SUN Y. (CHN) vs BUYANDALAI C. or Namuuntsetseg TSOGT OCHIR (MGL) 72 | Mat A
LUO L. or PANG Q. (CHN) vs Anudari NANDINTSETSEG (MGL) 73 | Mat A
CHEN J. or XIE M. (CHN) vs Bolortuya BAT OCHIR (MGL) 74 | Mat A
Yongxin FENG (CHN) vs Battsetseg ALTANTSETSEG (MGL) 75 | Mat A
RONG N. or ZHANG Q. (CHN) vs Shoovdor BAATARJAV (MGL) 76 | Mat A
Juan KANG (CHN) vs Gantuya ENKHBAT (MGL) 77 | Mat A
WU Y. or YU J. (CHN) vs Purevsuren ULZIISAIKHAN (MGL) 78 | Mat A
TALASINU ER E. or ZHOU F. (CHN) vs Delgermaa ENKHSAIKHAN (MGL) 79 | Mat A
DING Z. or WANG J. (CHN) vs Davaanasan ENKH-AMAR (MGL) 80 | Mat A
QIANDEGENCHA Q. or ZHOU Q. (CHN) vs Ariunjargal GANBAT (MGL)