Ачаалж байна…
Ачаалж байна…
Montsame News Agency

Өлгий, 2026 оны арваннэгдүгээр сарын 13 /МОНЦАМЭ/. Баян-Өлгий аймгийн төв Өлгий суманд өнөөдөр “Ирвэс гар урлаачдын бүтээлд” эмэгтэйчүүдийн уулзалт зохион байгуулагдлаа.
ӨЛГИЙ, 2026 оны арваннэгдүгээр сарын 13 /МОНЦАМЭ/. Баян-Өлгий аймгийн төв Өлгий суманд өнөөдөр “Ирвэс гар урлаачдын бүтээлд” эмэгтэйчүүдийн уулзалт зохион байгууллаа.
Уулзалтыг нээж Өлгий сумын Засаг дарга бөгөөд хотын захирагч Х.Болатбек, Засаг даргын Тамгын газрын дарга С.Жадыра, Монголын Эмэгтэйчүүдийн холбооны Баян-Өлгий аймаг дахь салбарын дарга Х.Назымгүл, Дэлхийн байгаль хамгаалах сангийн Ховд аймаг дахь салбарын захирал Н.Байгалмаа нар үг хэлэв.
Тус уулзалтыг Дэлхийн байгаль хамгаалах сангийн Монгол дахь хөтөлбөрийн байгууллага, Баян-Өлгий аймгийн Байгаль орчны газар, Өлгий сумын Засаг даргын Тамгын газар, Монголын Эмэгтэйчүүдийн холбооны Баян-Өлгий аймаг дахь салбар болон холбогдох байгууллагууд хамтран зохион байгуулав.
Уулзалтын зорилго нь гар урлалын бүтээгдэхүүнээр дамжуулан ирвэс хамгаалах үйлсэд эмэгтэйчүүдийн оролцоог нэмэгдүүлэх, гар урлал эрхлэгчдийн сайн туршлагыг түгээн дэлгэрүүлэх, бүтээгдэхүүнээ зах зээлд нийлүүлэх боломжийг өргөжүүлэх, цаашдын хамтын ажиллагааны чиглэлийг тодорхойлоход чиглэж байна.
Энэ хүрээнд Баян-Өлгий аймгийн 13 сум, Өлгий сумын 13 багаас нийт 1000 орчим эмэгтэйг гар урлалын сүлжээнд нэгтгэж, байгаль хамгааллын үйл ажиллагаанд идэвхтэй оролцуулах зорилт тавин ажиллаж байна.
Уулзалтаар ирвэс хамгааллын чиглэлээр хэрэгжүүлж буй ажил, түүний үр дүн, сайн туршлагыг танилцуулж, гар урлалын бүтээгдэхүүний нэр төрөл, чанар, загвар дизайныг сайжруулах, зах зээлд нийлүүлэх, борлуулалтыг нэмэгдүүлэх боломжийн талаар хэлэлцлээ. Мөн гар урлалаар дамжуулан эмэгтэйчүүдийн хөдөлмөр эрхлэлт, өрхийн орлогыг дэмжих, байгаль хамгааллын үйл ажиллагаанд оролцох боломжийг өргөжүүлэх талаар санал солилцов.
Түүнчлэн оролцогчид өөрсдийн урласан бүтээлээ танилцуулж, бүтээгдэхүүний загвар, дизайныг хөгжүүлэх, зах зээлийн эрэлт хэрэгцээнд нийцүүлэх, борлуулалтын сувгийг нэмэгдүүлэх чиглэлээр мэргэжлийн зөвлөгөө, мэдээлэл авлаа.
Энэхүү уулзалт нь эмэгтэйчүүдийн гар урлалын ур чадвар, бүтээлч хөдөлмөрийг дэмжихийн зэрэгцээ ирвэс хамгаалах үйлсэд оролцох оролцоог нэмэгдүүлэх, өрхийн орлогыг төрөлжүүлэх, үндэсний гар урлалын бүтээгдэхүүний үнэ цэнийг өсгөхөд чиглэж буйгаараа ач холбогдолтой юм.