Ачаалж байна…
Ачаалж байна…
Montsame News Agency

Мөрөн, 2026 оны арваннэгдүгээр сарын 13 /МОНЦАМЭ/. Хөвсгөл аймгийн Жаргалант-Шинэ-Идэр-Мөрөн чиглэлийн 151.5 км хатуу хучилттай авто замын бүтээн байгуулалтын ажил ирэх онд эхэлнэ.
Замын бүтээн байгуулалтын эхний үе шатын төсөвт өртөг 61.8 тэрбум төгрөг бөгөөд 2027 онд санхүүжүүлэх дүн 10.4 тэрбум төгрөгийг ирэх оны улсын төсөвт тусгасан байна.
Тус авто зам нь Мөрөн хотоос Шинэ-Идэр, Жаргалант сумыг холбон, цааш Завхан аймгийн Солонготын даваа хүртэл үргэлжлэх бөгөөд орон нутгийн иргэдийн зорчих нөхцөлийг сайжруулах, тээвэр логистикийг хөнгөвчлөх, аялал жуулчлал, худалдаа, эдийн засгийн харилцааг өргөжүүлэхэд чухал ач холбогдолтой юм.
Энэхүү зам ашиглалтад орсноор бүс нутгийн хөгжилд шинэ боломж нээгдэж, иргэдийн амьдрах орчин, ая тухтай зорчих нөхцөл улам сайжирна.